Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
Ninurta and the turtle -- a composite transliteration
/
pdf
+
1 - X
2 - amar anzud(mušen)
3 - ilar KA
4 - amar anzud(mušen)
5 - ur-saj (d)nin-urta
6 - gag KA
7 - amar anzud(mušen)
8 - X X X
1 - dug4-ga-ni-ta tukul-zu hul-a mu-ni-in-tag
2 - me cu-já cu ba-ba-ju10-ne me-bi abzu-cè ba-an-gi4
3 - jic-hur cu-já cu ba-ba-ju10-ne jic-hur-bi abzu-cè ba-an-gi4
4 - dub nam-tar-ra-bi abzu-cè ba-an-gi4 me ab-lá-e-en
5 - inim amar anzud(mušen)-cè (d)nin-urta lul-ac ba-an-si
6 - (d)nin-men-na-ke4 a-nir im-já-já
7 - jé6-e me-bi cu-ju10-uc li-bí-kur9 nam-en-bi nu-ak-e
8 - jé6-e e-ne-gin7 èc-e abzu-a nu-mu-un-til
9 - a-a (d)en-ki inim mu-un-dug4-dug4-ga-a abzu-a ba-da-an-zu
10 - ur-saj (d)nin-urta amar anzud(mušen)-dè cu-ni bí-in-ti
11 - ki (d)en-ki-kà-cè abzu-cè im-ma-da-te
12 - (d)u4-ta-u18-lu amar anzud(mušen)-dè abzu-cè ba-an-gi4
13 - en-e ur-saj-ra ba-ci-húl
14 - a-a (d)en-ki ur-saj (d)nin-urta-ra ba-ci-húl
15 - en (d)nu-dím-mud-e zid mu-un-i-i-dè
16 - ur-saj-e dijir cec-zu-ne-a dijir na-me ur5-gin7 nu-mu-un-ak-e
17 - mucen tukul kalag-ga-zu bí-dab5-ba-cè
18 - ud me-da ud ul-lé-cè gú-bi jìrì-zu ba-gub-bé-en
19 - dijir gal-gal-e-ne á nam-ur-saj-já-zu me-téc hé-i-i-ne
20 - a-a-zu (d)en-líl-le níj-dug4-zu hé-ak
21 - (d)nin-men-na-ke4 kíj-sig10-ga-zu na-an-dím-e
22 - za-e-gin7 na-ab-tuku dijir na-me igi-zu-cè cu na-an-sá-e
23 - itid-da èc-e abzu-a igi-du8-a é-zu saj hé-ús
24 - an zag gal-la mu-zu hé-pàd-dè
25 - ur-saj nam-tar-ra-bi cag4-bi nu-húl
26 - ki-gub-ba-ni a-ji6 i-im-ku10-ku10-ge i-sig7-sig7-ge
27 - cag4-bi níj gal-gal i-im-bal-bal cag4-bi ì-kúr-kúr
28 - inim da-bi nu-ub-tuku-a bar-bi i-im-dug4-dug4
29 - ur-saj (d)nin-urta igi-bi ki-cár-ra ba-ni-in-jar
30 - na-me nu-ub-dug4 cag4-bi zi nu-X-X
31 - en gal (d)en-ki ki ní-te-na-ke4 inim cag4-bi ba-X-zu
32 - èc-e abzu-a a-ji6 mud i-im-tuku4-tuku4-e
33 - sukkal (d)isimudx(PAB.NUN.ME.EZEN)-dè é-e jìrì mu-un-ru-gú
34 - ur-saj (d)nin-urta éd-dè nu-mu-un-ce-ce
35 - sukkal (d)isimudx(PAB.NUN.ME.EZEN)-dè-éc cu-ni ba-an-zìg
36 - (d)en-ki-ke4 im abzu-a ba-al-gu7 ba-da-an-dím
37 - ki sun5-na kan4 abzu-a ba-al-gu7 ba-da-an-gub
38 - (d)en-ki-ke4 ki-lul-la-ke4 mu-un-na-ab-dug4-dug4
39 - ki-gub-ba ba-al-gi4-cè ba-da-an-tùm
40 - ba-al-gu7 ejer-ra-ni sa-bi ba-da-an-dab5
41 - ur-saj (d)nin-urta jìrì-bi ba-da-an-gi4
42 - (d)en-ki nu-zu-gin7 a-na-àm ne-e im-me
43 - umbin-jìrì-bi ki bí-in-hur habrud hul ba-da-an-dun
44 - ur-saj (d)nin-urta cag4-bi ba-da-an-cub
45 - ur-saj-e ga-X X èd-dè nu-mu-un-zu-àm
46 - ba-al-gu7 jìrì umbin-jìrì-bi ba-an-sur-sur
47 - en gal (d)en-ki-ke4 mu-un-na-dé-e
48 - me X kur-ta mu-ni-in-níjín-níjín mu-pàd-dè
49 - jé6-ra saj jic ra-ju10-uc igi-zu mu-e-jar-ra-àm
50 - X-bíl-ga gal-gal di jé6-e bí-íb-já-já jé6-e bí-íb-zi-dè
51 - za-e jé6-ra a-gin7 igi-zu mu-jar-ra
52 - ki-gub-ba-zu a-na-àm mu-ra-an-dab5 a-rá-bi a-na-gin7-nam
53 - nam-kalag-ga-zu me-cè ba-an-jen nam-ur-saj-zu me-a
54 - hur-saj gal-gal-e mu-ni-in-gul-gul e-ne-éc a-na-àm mu-èd-dè
55 - (d)nin-men-na-ke4 inim-bi ba-da-an-pàd
56 - túg bar-ra-na al-bir7-re KAC4 im-sar-sar-re
57 - úúg gu7-gu7-ju10-uc za-e a-ba-a mu-ra-ab-túm
58 - saj-bi mu-un-bul-bul ba-X-X-un-GIL-X za-e a-ba-a mu-ra-ab-túm
59 - mu-bi nu-me-a u4-gu7-gu7-nu-dé-dé mu-bi-im
60 - nam-úc cu jar nu-tuku-a za-e a-ba-a mu-ra-ab-túm