Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
Sargon and Ur-Zababa -- a composite transliteration
/
pdf
+
1 - èc má-gur8-gin7
2 - gir4 mah-bi X
3 - íd-bi a húl-la da-rí
4 - a-gàr-bi al-e ri-e-dè gáná
5 - é kic(ki)-a iri líl-la-gin7 mac-gáná gi4-gi4-dè
6 - lugal-bi sipad ur-(d)za-ba4-ba4
7 - é kic(ki)-a-ka (d)utu-gin7 àm-è
8 - nam-lugal-la-na bal-bi cu kúr-ru-dè é-gal-la LAM-bi sù-rá-X-(X)
9 - an (d)en-líl inim kug-ga-ne-ne-a zid-dè-ec X X X
10 - ki ud-bi car-ru-um-ki-in iri-ni iri
11 - ad-da-ni la-i-bu-um ama-ni
12 - car-ru-um-ki-in cag4 dùg-ga mu-
13 - mu im-ta-tu-ud-da-ac X
1 - ud ne ud te-en-e um-ma-te-a-ta
2 - car-ru-um-ki-in sá-dug4 é-gal-cè im-de6-a-ba
3 - itima kug ki-tuc kug-ga-ni-a im-ma-da-an-nú
4 - cag4-ga-ni-cè mu-un-zu eme-na nu-já-já lú-da nu-mu-un-da-ab-bé
5 - car-ru-um-ki-in sá-dug4 é-gal-cè cu ba-ab-te-a-ta
6 - MUC.KA.UL mu-un-sig10-ga gú-ne-saj-já mu-un-dab5-bé
7 - kug (d)inana-ke4 da-bi-a
8 - ud 5-àm ud 10-àm ba-zal-la-ta
9 - lugal (d)ur-(d)za-ba4-ba4 im-da-lá ki-tuc-bi-ta mi-ni-ib-hu-luh
10 - pirij-gin7 cag4 pap-hal-la-na kàc biz-biz cag4-ba úc lugud si-a-ba
11 - ì-kúc ku6 a mun lug-ga-gin7
12 - ud-ba MUC.KA.UL é-kúrún (d)ézíná-ka
13 - car-ru-um-ki-in ù-sá-gin7 la-ba-nú ma-mú-dè ba-nú
14 - kug (d)inana-ke4 ma-mú íd mud-cè mu-un-gir5-gir5
15 - car-ru-um-ki-in dum-dam-ma-na ki-cè ba-da-ab-ra-ah
16 - dum-dum-bi lugal (d)ur-(d)za-ba4-ba4 jic tuku-tuku-da-ni
17 - lugal-ra ki kug-ga-ni-cè im-ma-da-an-sun5-ne-ec
18 - car-ru-um-ki-in ki (d)ur-(d)za-ba4-ba4-cè im-ma-da-an-sun5-ne
19 - MUC.KA.UL ma-mú ji6 ù-na (X)-na ù-mu-ri-du8
20 - car-ru-um-ki-in lugal-a-ni im-ma-ni-ib-gi4-gi4
21 - lugal-ju10 ma-mú-ju10 ù-mu-ri-dug4-ga
22 - ki-sikil 1-àm an-gin7 sukud-da-ni ki-gin7 dajal-la-ni
23 - suhuc bàd-da-gin7 jar-jar-ra
24 - íd mah íd mud-cè já-ra mu-un-gir5-re-dè-en
25 - (X) X (d)ur-(d)za-ba4-ba4 nundum KA bí-in-gu7 cag4-cè ba-gíd
26 - X NA AN X sukkal-a-ni mu-na-dé-e
27 - nin9 e-ju10 kug (d)inana-ke4
28 - X X mud-cè u-ju10 mu-un-kur9-re
29 - X X car-ru-um-ki-in MUC.KA.UL íd mah mu-un-gir5-gir5
30 - be-lí-ic-ti-kál gal:simug cag4-ga de6-a-ju10 im sar-sar
31 - inim ga-ra-ab-dug4 inim-ju10 hé-dab5
32 - na de5-ga-ju10 jizzal hé-em-ci-ak
33 - ne-éc MUC.KA.UL zabar-cu-já a-ra-X-ab-de6
34 - é-sikil-la é nam tar-ra-ka alan-gin7 kùc-kùc-a sig10-bí-ib
35 - be-lí-ic-ti-kál inim lugal-la-na-cè saj kécé ba-ci-in-ak
36 - é-sikil é nam tar-ra-ka kùc-kùc-a
37 - lugal-e car-ru-um-ki-in mu-na-dé-e
38 - jen-na zabar-cu-já gal:simug-cè túm-mu-na-ni-ib
38A - car-ru-um-ki-in é-gal (d)ur-(d)za-ba4-ba4 im-ma-da-ra-ab-è
39 - kug (d)inana-ke4 zag zid-da-ni
40 - é-sikil-la é nam tar-ra-ka 5 nindan 10 nindan nu-te-a-na
41 - kug (d)inana-ke4 igi mu-un-na-ni10-ni10 jìrì-ni im-da-RU
42 - é-sikil-la é kug-ga na-nam mud nu-mu-un-kur9-re
43 - kan4 é nam tar-ra-ka gal:simug lugal-la-ke4 gaba mu-un-da-ri
44 - zabar-cu lugal-la-ke4 gal:simug-cè mu-un-de6-a-ta
45 - be-lí-ic-ti-kál gal:simug im-da-lá alan-gin7 kùc-kùc-a ba-da-ab-sig10-ga-bi
46 - car-ru-um-ki-in ud 5-àm ud 10-àm ba-zal-la-ta
47 - ki (d)ur-(d)za-ba4-ba4 lugal-la-na-cè im-ma-da-an-ku4-ku4
48 - cag4 é-gal kur gal-gin7 ki ús-sa im-ma-da-an-ku4-ku4
49 - lugal (d)ur-(d)za-ba4-ba4 im-da-lá ki-tuc-bi-ta mi-ni-ib-hu-luh
50 - cag4-ga-ni-cè mu-un-zu eme-na nu-já-já lú-da nu-mu-un-da-ab-bé
51 - itima-ka ki-tuc kug-ga-ni (d)ur-(d)za-ba4-ba4 mi-ni-ib-hu-luh
52 - cag4-ga-ni-cè mu-un-zu eme-na nu-já-já lú-da nu-mu-un-da-ab-bé
53 - ud-bi-ta inim im-ma gub-bu hé-jál im sig9-sig9-ge ba-ra-jál-la-àm
54 - lugal (d)ur-(d)za-ba4-ba4 car-ru-um-ki-in dijir-re-e-ne cu dug4-ga-ar
55 - im-ma gub-bu níj ba-ug7-a-ta
56 - unug(ki)-ga lugal-zag-ge4-e-si cu ba-ni-ib-dà1-dà1
1 - dam lugal-zag-ge4-si-da im-
2 - nam-munus an-dùl-éc mu-ni-ba X
3 - lugal-zag-ge4-si kíj-gi4-a nu-
4 - já-nam-ma cég1 é-an-na-cè jìrì mu-un-gub
5 - lugal-zag-ge4-si cag4-ga-ni nu-un-zu ugu kíj-gi4-a nu-mu-un-dug4-dug4
6 - en-na ugu kíj-gi4-a na-mu-un-dug4-dug4 igi dumu nun ba-an-da-bad
7 - en-e u8 bí-in-dug4 sahar-ra ba-an-da-tuc
8 - lugal-zag-ge4-si kíj-gi4-a-ar im-ci-in-gi4
9 - kíj-gi4-a car-ru-ki-in nu-mu-un-sig10-sig10
10 - gam-gam-ma-ni car-ru-ki-in lugal-zag-ge4-si
11 - car-ru-ki-in lugal-zag-ge4-si
12 - a-na-ac-àm car-ru-ki-in