Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
Culgi and Ninlil's barge: a tigi (?) to Ninlil (Culgi R) -- a composite transliteration
/
pdf
+
1 - má-gur8 (d)en-ki-ke4 kar he-jál nam-cè ma-ra-ni-in-tarar
2 - a-a (d)en-líl-le igi zid mu-ù-ci-barar
3 - nin-zu-ù (d)nin-líl-le ù-tud-zu bí-in-dug4
4 - ux(PA)-a zid lugal cul-gi-da á-zu mu-da-an-áj
5 - jèctùg dajal-la-kam gal mu-ù-ci-in-pàd
6 - sipad-dè ud ji6-a ù nu-mu-ù-ci-in-ku4-ku4
7 - igi-jál-tuku jic-hur-re kíj-já kug-zu níj-nam-ma-ke4
8 - tir gal-gal-la erin gal ma-ra-an-ni-in-kud
9 - me-zu-ù cu bí-du7 u6-e ba-an-gub-bé-èn
10 - túg X sig10-ga gu-a tag-ga-a-zu-ù ki X X X X X-me-èn
11 - kid-mah-hal-zu-ù ud á-dam kug-ge dajal-bi si-a-me-èn
12 - jic-cu-dím-zu-ù muc-cag4-tùr sim-dam ak cu-ba nú-me-èn
13 - gi-muc-zu-ù ucumgal ki-nú-bi-a ù dùg ku4-me-èn
14 - mi-rí-za-zu-ù muc sig-sig kur-ku cag4 ki tab-ba-me-èn
15 - eme-sig-zu-ù a-ji6 buranuna kug-ga téc-ba gùn-gùn-me-èn
16 - ù har-ra kécé-kécé-rá-zu-ù ki já-ar-já-ra-bi
17 - kun-saj kur-ra jic X X sig9-si-ig-ga-me-èn
18 - LU kug-zu-ù hé-jál jar-jar-ra-a ki hé-ús-sa-me-èn
19 - jic-hum-zu-ù abzu cag4-bi-a barag mah-a ri-a-me-èn
20 - IGI.X-zu-ù arattax(LAMKUR.RU.DA)(ki) gi16-sa cu já-ar-já-ra-me-èn
21 - kan4 ud è-cè jál-la-a-zu-ù (d)nin-uc(mušen)-a
22 - umbin-ba níj X X mi-ni-íb-lá á mu-ù-sud-sud-e
23 - ac-me kug-sig17-ga gùn-a-zu-ù ùsàn íl-la-a-bi
24 - ì-ti níj giri17-zal kur-kur-ra zid-dè-éc è-a-me-èn
25 - an-ti-bal me nam-lugal-la-ka ce-er-ha-an dug4-ga-zu-ù
26 - tir ha-cu-úr-ra a sig já-ra jissu dùg-ga-me-èn
27 - KID.CU-zu-ù ú-si-an mul éd-dè huc ri-a-me-èn
28 - gi-zi di4-di4 pá1-pá1-al íl-la saj sig10-ga-zu-a
29 - cag4-ba mucen buru5(mušen) ambar kug-gin7 ad mu-já-já-já
30 - mur ca-a-bi du9-du9-ù càkìr-ra-gin7 cag4-ge dùg-ga-bi
31 - (d)en-líl (d)nin-líl-ra húl-la-gin7 mu-ni-íb-já-já-já
32 - zi-ganan-zu-ù kíj mah a tál-la ka ki-sal4-la-me-èn
33 - -zu-ù alim ki gal-la íl-íl-a-me-èn
34 - éc gíd-zu-ù (d)nirah dar-a kalam-ma lá-a-me-èn
35 - dimgul-zu-ù ùz-saj an-na KA i-i-me-èn
36 - ad-ús-zu-ù ur-saj ur-saj-ra sig10-ga-me-èn
37 - má-saj-zu-ù (d)nanna ur5-ra-ac sag9-ga -me-èn
38 - má-ejer-zu-ù (d)utu an-úr-ra -me-èn
39 - á-súmúr-zu-ù NE JA HA X -me-èn
41 - ezen kug bì-lu5-da gal-gal
42 - sipad zid cul-gi-re ki-bi-cè mu-já-ar-já-ar
43 - nibru(ki)-a dijir gal-gal-e-ne a kug mu-tu17-tu17-ù-éc
44 - iri(ki)-a nam ki-bi-cè mu-tarar-e me zid mu-hal-hal-e
45 - ama kalam-ma (d)nin-líl sag9-ga é-ta nam-X--è
46 - (d)en-líl-le áb-cilam kug-gin7 gú-da mu-ni-in-lá
47 - barag kug-bi dúr im-mi-in-já-re-éc níj mi-ni-íb-gu-ul-gu-ul-ne
48 - má-gur8 mah X X DU idigna-a hé-du7-bi
49 - íd hal-hal-la ì-kur9-ru X a mul-mul-la X X X X X X
50 - cítá saj 5 mitum(TUKUL.AN) jic-gíd-da cu-nir a tu5-a igi-cè im-da-X
51 - ur-saj (d)en-líl-lá (d)nin-urta saj-bi-a mu-jen
52 - addirx(PA.JISAL.DIR.PAD) dajal-zu-ù jic-ù-sal4-la-bi-e
53 - má-gur8 gi-dirig kug-ga gi-muc kug-bi
54 - addirx(PA.JISAL.DIR) cìr kug
55 - nin X nam-mah gal-gal-ni mu-
56 - munus zid-da (d)nin-líl húl-la-e cul-gi mu-
57 - ki-en-gi úrím(kí)-e níj-húl-la sag9-ga X
58 - má-gur8 kar me-te-a-ji6-a a-ne sud ì-im-me
59 - jic-gi tum-ma-al(ki) (d)en-líl-lá-ka á mu-sud-sud-e
60 - gud dù-gin7 saj mu-ni-íb-íl-íl
61 - ì-sì zìg-ga-a gaba im-ra-ra-ra a cu ni10-ni10 ì-HA-HA-HA
62 - a cag4-ga du-bi engur-ra ku6 im-ci-hu-luh-e
63 - a bar-ra du-bi hé-jál-e mul-ma-al im-mi-íb-za
64 - gi-dirig kug-ge nam àm-ús nin tum-ma-al(ki) a-ra-zu X X X
65 - ama a-a (d)en-líl-lá an lugal dijir nam tar-re giri17 cu X mu-ni-jál
66 - (d)nin-líl-da ki jicbunx(KI.BI)-na-ka zag-ge mu-ti-ni-íb-si-éc
67 - cul-gi sipad nidba gal-gal-la-ni mu-ne-ci-íb-dib-dib-bé
68 - ud nam-he-a mi-ni-íb-zal-zal-ne ji6 ì-im-i-i-ne
69 - lugal má-gur8 kug du8-a-ra nam mu-ni-in-tar-re-éc
70 - nam tar-ra-a-bi ul-lé-a-cè níj saj-ba du-àm
71 - gaba kalam-ma-ka ud mu-ù-já-ar (d)utu-ù dalla bí-è
72 - má-gur8 gaba ri-bi-a nam àm-mi-ib-gú-un-gún mur mu-ca4
73 - nin-mu-túm íd mu hé-jál-la-ka a cu ti-a-àm
74 - ectub-bi-e tùn:mù mi-íb-gùn-gún3gúgùngù2 (d)en-líl ì-húl-le
75 - muc-ú-e já-ar-ba (d)nin-líl ì-húl-le
76 - JIC.CEC-ni íb mi-ni-íb-li-e (d)en-ki ì-húl-le
77 - suhur-mác-e sun4-bi mu-ù-sud-e (d)nanna ì-húl-le
78 - X X X a-nun-na im-ci-húl-húl-le-éc
79 - X X X buranun-na saj mi-ni-íb-íl-íl DU mi-ni-X
80 - cag4 X kur-ra-àm a zal tùm-tùm-da
81 - má-gur8 kug kar-re mu-ni-íb-ús nibru(ki) húl-la-a-àm
82 - (d)nin-líl-le X X DU-a-e lugal cul-gi-ra
83 - igi húl-lá saj-ki zalag-ga-na mu-ci-im-bar-bar-re
84 - sipad X X cul-gi mu gi16-sa lugal ezen-na
85 - aga an kug-ge saj-za mu-ni-in-gen6-na ji6-bi ga-ra-ab-bad-bad
86 - jidru kug (d)en-líl-le ma-ra-an-cúm-ma-a ud-bi ga-ra-ab-sud-sud
87 - gu-za (d)en-ki-ke4 saj ha-ba-ra-rig7-ga-a suhuc-bi ha-ra-ab-gen6-ge-en6
88 - (d)nanna amar bàn-da a (d)en-líl-lá zid-dè-éc ca-mu-ù-tud
89 - sipad níj-du7-e pa è-a X X X A a-la sug4-àm
90 - nam-tìl-zu-ù túg-bà1 kug-ju10-gin7 bar-ra hé-mi-ni-dul