Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
A tigi to Nanaya for Icbi-Erra (Icbi-Erra C) -- a composite transliteration
/
pdf
+
1 - nin me nun-na ud-gin7 dalla è hi-li zid-da ul-cè pàd-da
2 - (d)na-na-a me-te é-an-ka in-nin-ra túm-ma
3 - gal-zu nu-u8-gig-ge nin kur-kur-ra zid-dè-ec-cè pàd-da
4 - (d)na-na-a kalam é-an-ka igi-jál cúm-mu ba-e-zu
6 - an-gin7 sag9 munus saj màc nin dal-dal-le-e du7
7 - (d)na-na-a kug (d)inana-ke4 zid-dè-ec úmún ak
8 - munus mul-an hé-me-a nin kug-zu níj-nam-cè jál-la
9 - munus zid cag4 sù-rá nin inim-cè jál-la-bi ì-zal-le-ec
10 - umuc kug (d)inana-ke4 ak nu-u8-gig-e ki áj
11 - (d)na-na-a di-kud gal dijir dúr mah ki unug(ki)-ga tìl-la
13 - munus zid ec-bar dùg kalam-ma-kam di-di-bi gal-zu
14 - (d)na-na-a iri ùj lu-a igi-jál
15 - munus mah inim kug dug4-ge du7 nin hi-li-a túm-ma
16 - (d)na-na-a saj íl é-an-ka inim sag9-ge kalam-ma
18 - an-e igi sag9 kalam-ma lugal kur-kur-ra
19 - (d)na-na-a kalam é-an-na hi-li
20 - cul sipad zid dumu (d)nu-nam-nir-re in-
21 - (d)ic-bi-èr-ra me gal-di gu
22 - (d)na-na-a sù-ud-cè a-ra-zu-ni kurun-gin7 su-ub X en LI zid-da-na-ka é-an-na-kam
24 - (d)ic-bi-èr-ra saj ús é-an-na
26 - ca-mu-da-pàd (d)na-na-a kalam-ma nu-u8-gig-e ki áj-zu
27 - (d)ic-bi-èr-ra ul-cè inim sag9-ga-ni hé-me-en
29 - nin gal cag4 ki zi-cag4-jál túm-ma nu-u8-gig-e sá-bi cu já-já
30 - me giri17-zal cu dajal nu-u8-gig-e ma-ra-an-cúm
31 - (d)na-na-a nin gal cag4 ki zi-cag4-jál túm-ma nu-u8-gig-e sá-bi cu já-já
32 - ùj-e (d)ic-bi-èr-ra lugal sipad-bi-me-en
33 - (d)na-na-a inim dug4 an-na-ta nin kur-kur-ra za-e-me-en
34 - èc-e kul-aba4 X IN X ca-mu-na-ab-bé
35 - ùj-e za-ra cag4-bi im-mi-níjín ci-im-da-ab-bé-en
36 - (d)na-na-a munus zid mu hé-sag9 saj gíg-ga-me-en
37 - inim kug-zu-zu in-nin-na-ra zal-le-ec im-ma-sag9
38 - cul hi-li-a pàd-da nu-u8-gig-e dumu (d)en-líl-ke4
39 - (d)na-na-a in-nin me kug-zu KA ca-ra-mú-mú
40 - ki-nú-cè igi zid nam-tìl-la za-e NE hu-mu-ni-in-du8
41 - (d)ic-bi-èr-ra cul hi-li-a pàd-da