Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
An adab to Ninurta for Lipit-Ectar (Lipit-Ectar D) -- a composite transliteration
/
pdf
+
1 - ur-saj á-jál (d)a-nun-na-ke4-ne é-kur-ta è-a
2 - (d)nin-urta en (d)nu-nam-nir-re u18-lu gal-gin7 X
3 - mu-un-tu-ud-dè-en ù-ma-ni gub-bu-dè ma-ra-dé
5 - (d)nin-tur5-re cu níj dím-ma-ni za-ra mu-ri-in-bad
6 - ubur dùg-ga-na ka ma-ra-ni-in-ba ga nam-cul-la mi-ri-in-gu7
7 - am u6 di-gin7 alan-zu mu-un-er9 á-úr-zu mu-un-gur4
8 - igi búr-e en me-lem4 nam-ur-saj da-da-ra-cè mi-ri-in-dug4
9 - kicib-lá zid-da-zu im-ma-an-dab5 ama-zu (d)nin-tur5-re
10 - é-kur èc mah-a mi-ni-in-kur9-re-en a-a-zu (d)en-líl-ra
11 - mu-na-ab-bé dumu cu jar gi4-zu nam gal tar-mu-ni-íb
13 - (d)en-líl-le igi húl mu-ci-in-bar nam mu-ni-íb-tar-re
14 - u4-ta-u18-lu an ki cú-a-cè mu-zu hé-em-mah
15 - me-lem4-zu-cè dijir gal-gal-e-ne saj im-da-sàg-ge-ne
17 - mur ca4-zu inim dug4-ga-zu-cè kur-kur ní-ba hu-mu-gam-dè
18 - igi hu-luh-ha-zu-ne gú-érím-jál su hé-em-da-sàg-ge-dè
19 - u4-ta-u18-lu im-hul-im-hul-gin7 zi-zi-i-da-zu-ne
20 - (d)gibil en ZA.LAM-ra ur-saj-gin7 gu7-ù-dè kur-ba ù ejer-àm bí-dù
21 - ki-bal-a sug-zag-ge4 um-mi-gu7 X X BA gu7-ù-dè
22 - nam-nir-jál-zu dijir gal-gal-e-ne me-téc mu-un-i-i-ne
23 - a-a-zu (d)en-líl-le nam-cè mu-ri-in-tar
25 - (d)li-pí-it-ec4-tár dumu (d)en-líl-lá-ra
26 - érím-jál-la-ni gam-gam-mu-na-ab
28 - X a-ab-ba-ta
29 - an ki-cè pa è-ju10-uc
30 - saj-zu um-mi-ús
31 - mu-ni-in-cid sahar-da im-da-hi
32 - -gin7 hé-bí-in-ur4 nu-jál-la mu-ni-in-kur9
33 - (d)nin-urta ur-saj (d)en-líl-lá barag-za dúr jar-bi
34 - nítálám-zu nin zid (d)nin-nibru(ki) gú-da mu-ri-in-lá
35 - inim sag9-ga (d)li-pí-it-ec4-tár-ra-da ud cú-cè ha-ra-da-gub
36 - u4-ta-u18-lu ki cu íl-la-ni á-tah-ni hé-me-en
37 - dug4-ga-zu-ta nir hé-em-dè-jál gaba-ri-ni na-an-jál-le
38 - lugal nam tar-ra (d)nin-urta-ke4 ul gùrù hé-en-na-nam
39 - (d)li-pí-it-ec4-tár nun za-a-cè jál-la dumu (d)en-líl-lá-ke4
40 - níj-si-sá ki-en-gi ki-uri-a mu-ni-in-jar
41 - su kalam-ma mu-dùg
42 - sipad mas-sú túm-túm-mu gal-an-zu-a ùj ha-ra-ab-lah4-lah4-e
44 - ur-saj gal nun (d)li-pí-it-ec4-tár-ra ù-mu-ta-sig10 ki-bal nu-ce-ga-na zar-gin7 hé-ús-ù-ús
46 - en a-ma-ru mah suhuc érím-ma búr1-re
47 - (d)nin-urta en a-ma-ru mah suhuc érím-ma búr1-re
48 - nun (d)li-pí-it-ec4-tár-ra tukul hul-du-ni
49 - gi-gin7 ca5-ca5 cu mah-a-ni si-bí-íb