Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
An adab to Inana for Ur-Ninurta (Ur-Ninurta D) -- a composite transliteration
/
pdf
+
1 - in-nin9 zag dib (d)a-nun-na-ke4-ne me kìlìb-ba ur4-ur4
2 - igi-zu nir-jál an ki-bi-da kur-kur-ra igi jál
3 - (d)inana pirij an-na mul-mul-lu me-zu galam-galam-ma
4 - jarza-zu níj nu-kúr-ru-dam jic-hur-zu dugud-da
6 - dím-ma-zu abzu sù-rá-àm igi bar-re nu-um-zu
7 - a-rá ak-a-zu níj gal-gal-àm dijir nu-me-da-sá
8 - me-zu ud silim-ma-bi ba-e-de6 níj-nam la-ba-e-da-cub
9 - nam-lugal kécé-me níj-nam-ma cu-zu la-ba-ra-è
10 - an lugal-da zag mu-un-dè-ca4 nam mu-un-di-ni-ib-tar-re
11 - (d)en-líl-gin7 ka-ta è-a-zu ki-bi-cè al-já-já
12 - (d)inana mah-di an ki-a gaba-ri nu-tuku-me-en
13 - lugal ki áj dijir-re-e-ne a-la mu-un-ci-ak-e
14 - (d)ur-(d)nin-urta cul igi íl-la-zu me-te-zu-uc en-e
15 - (d)nin-tur5-re hi-li mu-un-ci-in-tu-ud-dè-en u6 di-zu-cè ma-ra-an-gub
16 - jic-cub-ba-ni sag9-ge mu-un-ge-en igi-za im-mi-in-X
17 - ùr-ra GA cu-nir-e hé-du7-a nam-nun-cè mu-un-íl
18 - ir-sim dùg-ga ku7-ku7-da-ke4 cag4 kug-zu hé-em-tùm
19 - jic-nú gi4-rin hi-li si-a-za hu-mu-un-di-X-re
20 - cul jic tuku nun za-a-cè jál-la me ul-zu-uc ha-ba-gub
21 - (d)ur-(d)nin-urta-ke4 ùj cár-re ús zid hé-bí-ib-dab5-bé
23 - (d)inana (d)ur-(d)nin-urta-ke4 ud ul da-rí-cè
25 - (d)inana nin an ki dajal-la u18-ru KI UD-ta
26 - X X-ma saj mú-mú-mú ji6 ù-na kár-kár
27 - kur idim-ta è-a an urac-a dajal búr
28 - -da téc-bi-im ama-na hi-li-bi-im
29 - hé-mi-ni-in-mah-en ur-(d)nin-urta-ke4
30 - saj hu-mu-ni-in-íl am gal-bi hé-a
31 - gam-gam-mu-na-ab cu hé-em-ri-ri-e
32 - a zid-da-ta ri-a-na cu mah-a-ni si-bí-ib
33 - ùj ú-sal-la hu-mu-un-dè-nú na-gada-bi hé-a
34 - (d)ur-(d)nin-urta-ke4 ùj cár-re ús zid hé-bí-ib-dab5-bé
36 - (d)inana úr kug níj dùg-za (d)ur-(d)nin-urta-ke4 nam-tìl-la ud ha-ba-ni-ib-sù-ud-dè
38 - nin me gal-gal-la nam-nir-ra cu du7
39 - (d)inana nin me gal-gal-la nam-nir-ra cu du7
40 - (d)ur-(d)nin-urta-ra hé-jál zi sù-ud-jál saj-e-ec mu-ni-rig7