Literary letters and letter-prayersx

Compositions with a historical background & Royal praise poetryx

Literary letters and letter-prayersx

Hymns and cult songsx

filter =
A man and his god -- a composite transliteration
/
pdf
+
1 - lú-ùlù nam-mah dijir-ra-na zid-dè-ec-cè hé-em-me
2 - juruc-e inim dijir-ra-na kug-ge-ec hé-em-i-i
3 - kalam zid-de-a ùj dúr-ru-na-bi gu-gin7 ha-ba-si-il-e
4 - balaj di ucur gu5-li-ni ur5 hu-mu-un-na-búr-e
5 - cag4 X hé-eb-huj-e
6 - X hé-ni-in-è -bi hé-ni-ib-bé
7 - X X X hé-áj-e
8 - ka i-si-ic jál-la-ni cag4 dijir-ra-na hé-em-huj-e
9 - lú-ùlù dijir-da nu-me-a ú-gu7 la-ba-ak-e
10 - juruc-e á-ni ki-lul-la hul la-ba-e-já-já
11 - a-nir á-sàg du-lum gig-ga ud im-ma-ni-in-zal
12 - X X RA nam-tar-e su-gu7-e X-ge mu-un-ni-ib-te
13 - X X gig-ga umuc-bi mu-sùh X (X) X-na mu-un-dul
14 - a-ga-e cu hul mu-ni-ib-dug4 X X-cè
15 - cul-e igi dijir-ra-na
16 - juruc-e á hul jar-ra-na ér gig ì-ce8-ce8
17 - mu-un-tuku cu-kin
18 - du-lum-ma-ni KA A mi-ni-ib-bé
19 - cag4 kúc si-a-na
20 - X X-ni ér mu-ni-in-jar
21 - kar-ra
22 - ér gig-ga mu-un-já-já
23 - mu-na-da-si
24 - mu-na-an-DU mu-na-ab-bé
25 - a-nir mu-ne-dù
26 - ur5 úc-a X DU.DU
27 - mi-ni-in-jar
28 - juruc-me-en zu-me-en níj-zu-ju10
29 - zid dug4-ga-ju10 lul-cè ì-kur9
30 - lú-lul-la-ke4 u18-lu mu-un-dul cu-kin mu-un-na-dab5
31 - á nu-zu-ju10 ma-ra-pe-lá-en
32 - du-lum-ma ki gibil-gibil-la-bi saj-e-ec mu-e-rig7
33 - é-a ù-mu-un-kur9-re-en ur5 mu-úc
34 - juruc-me-en sila-cè um-è-en cag4 mu-un-sàg
35 - cul-me-en sipad zid-ju10 mu-da-íb igi érím mu-un-du8
36 - na-gada-ju10 lú-érím nu-me-en-na á hul ma-kíj-kíj
37 - dùb-sa-ju10 inim gen6-na na-ma-ab-bé
38 - gu5-li-ju10 inim zid dug4-ga-ju10-uc lul ma-ci-já-já
39 - lú-lul-la-ke4 inim téc mu-un-dug4
40 - dijir-ju10 nu-mu-na-ni-ib-gi4-gi4-in
41 - umuc-ju10 ba-an-ta-DU-un
42 - hul-jál-e inim téc mu-du
43 - mu-un-íb-en ud-gin7 mu-un-dù cag4 hul mu-un-dím
44 - gal-an-zu-me-en cul nu-zu-ra a-na-ac mu-un-na-lá-en
45 - zu-me-en murub4 nu-zu-ka a-na-ac mu-un-na-lá-en
46 - ninda ì-jál-jál su-gu7 ninda-ju10-um
47 - ud ùj cár-re ha-la ba-ba du-lum ha-la ba-ju10-um
48 - cec X X in mu-un-dúb cag4 hul mu-un-dím
49 - X-ga-ju10 X
50 - X HU cu mu-un-zi-zi
51 - an-da-túm-mu
52 - érím igi-jál nu-tuku-e im mu-sar-sar-re
53 - har-ra-an-na DI sumur-bi X-kíj-kíj
54 - kaskal-la DI X-la-bi jic-gin7 mu-un-kud-e
55 - ugula-a a-ga X X
56 - nu-bàndà-ju10 X JA
57 - dijir-ju10 X igi-zu-cè
58 - ga-mu-ra-ab-dug4 ér-ju10 dirig inim-ju10 cag4-ne-ca4
59 - ga-ra-ni-ib-dug4 a-rá-já níj-hul-bi gu-gin7 ga-mu-ra-si-il
60 - níj ak-en sùh-a-bi X X
61 - jic-hur-já gal-an-zu hu-mu-un-X níj ér nu-gul-lu-dam
62 - gu5-li-ju10-úr mu-na-an-lá-en
63 - dùb-sa-ju10-úr a-ga-cè mu-un-ci-gi4-in
64 - á-ce ama ugu-ju10 ér-ju10 igi-zu-cè na-an-gul-e
65 - nin9-ju10 balaj di ad dùg na-nam
66 - níj ak cu hul dug4-ga-ju10 ér-ra ha-ra-ni-ib-bé
67 - dam-ju10 du-lum-ju10 gíríd X ha-ra-ni-ib-pàd-pàd-dè
68 - nar cìr zu-e nam-tar gig-ga-ju10 gu-gin7 ha-ra-si-il-e
69 - dijir-ju10 kalam-e ud ba-zalag já-ar ud ma-ku10-ku10
70 - ud zalag-ga ud hi-da-gin7 X DU X
71 - ér a-nir cag4 sàg ur5 úc-a cag4-ga mu-un-já-já
72 - du-lum-e dumu ér pàd-da-gin7 cu mu-un-dul-dul-e
73 - nam-tar-ra cu-ba igi mi-ni-in-kúr zi-ju10 mi-ni-tùm-tùm
74 - su-já á-sàg níj hul jál-e a im-ma-ni-ib-tu5
75 - a-rá-já níj-gig-ga-bi cu hul dug4-ga-bi
76 - ma-mú-da sag9-ga igi li-bí-du8-ru-un
77 - ud cú-uc-e mác-ji6 nu-jar-ra
78 - cag4 sàg-e dam-bi nu-me-en-na gú-da in-da-lá a im-mi-X
79 - zarah-e dumu tur-bi nu-me-en-na úr mu-ub-tál-tál
80 - a-nir ùlù ak-gin7 mu-un-sig10 cu nu-mu-
81 - cec-ju10 u8-e-a im-ma-ab-dug4
82 - X
83 - X X MA DU X X X X AN
84 - X X HA X X I
85 - X X X ba-sàg-ge-en
86 - X X X X saj mu-íl
87 - zi mu-ni-in-tùm-tùm
88 - X mu-ni-X
89 - X JAR X X X X-en
90 - X X-pàd-dè
91 - X im-mi-ib-DU
97 - mu-ce8-ce8
98 - dijir-ju10 za-e a-a ugu-ju10-me-en igi-ju10 hé-ci--íl
99 - áb zid dijir arhuc-a cag4-ne-ca4 á nun hé-
100 - en-na-me-cè ki-ju10 nu-kíj-kíj-en
101 - gud-gin7 ga-ci-ib-zìg nu-mu-ra-ab-zìg-ge-en6
102 - ús zid nu-mu-ub-dab5-bé-en
103 - mi-ni-ib-bé-ne cul gal-an-zu-ne inim zid
104 - ud na-me dumu nam-tag nu-tuku ama-a-ni nu-tu-ud
105 - kúc la-ba-sá érín nam-tag nu-tuku ul-ta nu-jál-la-àm
106 - dijir-ju10 ha-lam-ma níj saj-bi-cè mu-da-ab-sud-da-ju10
107 - níj búr-ra X-bi igi-zu-cè jé6-e bí-ak-a-ju10
108 - juruc na-an-cej6-jé6 kug-zu-a inim hi-li-a hé-ni-be7
109 - ud nu-sikil á-já nú-a-já igi-zu-cè ha-ba-ab-dib-bé-en
110 - nu-kù-ug nu-dadag-ju10-ne iri silim-ba ha-ba-tag-ge-en
111 - ud íb-ba cag4 hul dù-a zu inim hi-li-a hé-ni-be7
112 - ud su-mu-ug X táb-táb-ba zu e-ne húl-la hu-mu-dug4
113 - dijir-ju10 X X nam-tag-ju10 igi-ju10 ù-mi-zu
114 - kan4 iri-ka ha-lam-ma-bi dili bad-bi ga-àm-dug4
115 - juruc-me-en ka tar nam-tag-ju10 igi-zu-cè ga-si-il
116 - unken-e ú-KU muru9-gin7 hu-mu-ub-cèj-cèj-e
117 - é-zu ama cag4-ne-ca4-ju10 ér-ju10 hé-ce8-X
118 - cul-me-en arhuc cag4-ne-ca4-a-ju10 cag4 kug-zu hé-em-mi-tuku
119 - juruc-me-en cag4 i-zi ri-a-zu ki-bi ha-ma-gi4-gi4
120 - lú-ùlù ér gig-ga céc-a-ni dijir-ra-ni jic ba-an-tuku-àm
121 - juruc-ra a-nir jál i-si-ic lá-lá-a-ni cag4 dijir-ra-na ù-mu-un-na-huj
122 - inim zid inim kug-ga dug4-ga-ni dijir-ra-ni cu ba-ci-in-ti
123 - juruc-e inim a-ra-zu-a mi-ni-in-zu-a-ni
124 - cùdù kù-ug su dijir-ra-na-ka ì li ì-ak
125 - dijir-ra-ni inim hul-jál-ta cu-ni ba-ra-an-gíd
126 - cag4 sàg-ge dam-bi nu-me-en-na in-da-lá-e a cejx(IM.A) im-ma-ab-X
127 - zarah-e á mu-ni-tál-tál-la líl-cè im-mi-in-sàg
128 - a-nir URU(ki) ak-gin7 mu-un-sig10-ga sug-ge4 im-mi-in-gu7
129 - nam-tar-ra su-a-na mu-un-jál-la mu-na-an-ak
130 - juruc-a du-lum-ma-ni húl-la mu-ni-in-kur9
131 - (d)udug sig5 ka-e en-nu-ùj ak mackim mu-un-da-an-tab
132 - (d)lamma-(d)lamma igi sag9 mu-na-an-cúm
133 - juruc-e nam-mah dijir-ra-na zid-dè-ec-cè im-me
134 - X mi-ni-ib-è-ec E bí-zu-zu
135 - -te-en-te-en
136 - za-da nir ha-ba-an-jál -ba zi-bi ga-i-i
137 - X X za-ra (d)utu è-gin7 igi-ju10 hé-mu-e-ci-ni-jál
138 - (d)nin-mah UN jickim tìl-la-gin7 á nun hé-me-te-jál
139 - dijir-ju10 igi zid nam-tìl-la-zu sù-ud-cè hé-me-du8
140 - X X nam-kalag kug-kug-ga-zu dùg-ge-éc ga-an-pàd-pàd
141 - cag4 X X a zìg-zu ki-bi ha-ma-gi4-gi4
142 - nam-tag-ju10 hé-mu-e-du8
143 - cag4-zu ha-ma-huj-e