1 - nir-jál-e a-na bí-in-dug4 nu-sag9
2 - nir-jál-e a-na bí-in-dug4 nu-zid
3 - nir-jál kug-zu-àm ùkùr cu dim4-àm
4 - cu jar jál-la aratta(ki)-ka
5 - á-tuku lugal ki-in-du-ke4
6 - usu ka lú-ta-àm àm-kur9-kur9
7 - usu igi-jál-tuku nu-mu-e-da-sá
8 - usu dijir-já ní-já ba-til
9 - nam-juruc ance kar-ra-gin7 hác-já ba-e-taka4
10 - hur-saj gíg-ju10 im-babbar ba-an-mú
11 - ama-ju10 tir-ta lú mu-ci-in-gi4
12 - cu dab5-ju10 ma-an-cúm
13 - (d)nin-kilim níj uzu háb-ba gu7-gu7-ju10
14 - dug ì-nun-na-cè gú nu-mu-un-ci-lá-e
15 - úr 7(IMIN)-e
16 - bàd-si gul-gul-e na-ab-bé-a
17 - ésáj gibil-za in-nu sumun-a-ju10 ga-an-si-e-ce
18 - lú mu-e-ci-in-gi4 bí-ib-dab5
19 - ma-la-ga-ni mu-na-ni-ib-gi4-gi4